لاہور: (ویب ڈیسک) پاکستان ٹیلی کمیونیکیشن اتھارٹی (پی ٹی اے) نے ٹک ٹاک سے غیر اخلاقی مواد بلاک کرنے کا مطالبہ کرتے ہوئے کہا کہ انتظامیہ مواد کی مانیٹرنگ کے نظام کو سخت بنائے۔
تفصیلات کے مطابق چیئرمین پی ٹی اے میجر جنرل (ر) عامر عظیم باجوہ کی ٹک ٹاک کی سینئرمینجمنٹ سےآن لائن میٹنگ ہوئی ، جس میں چیئرمین پی ٹی اے نے پاکستانی صارفین کیلئےٹک ٹاک سے غیر اخلاقی مواد بلاک کرنے کا مطالبہ کردیا۔
چیئرمین پی ٹی اے نے کہا کہ ٹک ٹاک پاکستان میں صارفین کیلئےغیراخلاقی مواد روکے، غیراخلاقی موادسےخدشات بڑھ رہےہیں، ٹک ٹاک انتظامیہ موادکی مانیٹرنگ کےنظام کوسخت بنائے۔
چیئرمین پی ٹی اے کا کہنا تھا کہ یقینی بنایاجائے کہ غیرقانونی موادپاکستان میں نہ دیکھاجاسکے۔
Press Release: PTA has asked TikToK to block the vulgar, indecent and immoral content for viewership in Pakistan.
— PTA (@PTAofficialpk) August 28, 2020
Keeping in view the growing concerns in the society with respect to content on the platform, Chairman PTA had an online meeting with senior management of TikTok. pic.twitter.com/HMJPBQxbgt
اس سے قبل ہی پی ٹی اے نے ویڈیو شیئرنگ پلیٹ فارم یوٹیوب سے کہا تھا کہ وہ پاکستان میں غیر اخلاقی مواد اور نفرت انگیز تقاریر پر مبنی مواد کو فوری طور پر ہٹا ئے۔
یاد رہے کہ پاکستان ٹیلی کمیونکیشن نے سوشل میڈیا کمپنیز کو نازیبا اخلاق سے متعلق نوٹسز جاری کیے گئے تھے، دونوں کمپنیز کو نوٹس میں نازیبا مواد ہٹانے کی یاد دہانی کرائی گئی تھی۔
بعد ازاں عوام کی شکایات پر ایکشن لیتے ہوئے ویڈیو شیئرنگ موبائل ایپلیکیشن ٹک ٹاک کو وارننگ جاری کی تھی ، پی ٹی اے کا کہنا ہے کہ ٹک ٹاک اور بیگو پر نازیبا اور غیراخلاقی مواد کی شکایتیں تھیں، نازیبا اور غیراخلاقی مواد سے معاشرے اور نوجوانوں پر منفی اثرات پڑرہے تھے۔
