لاہور: (ویب ڈیسک) موبائل فون کمپنیوں کی جانب سے سال بھر جدید ٹیکنالوجی اور منفرد فیچرز کے حامل نئے ماڈلز متعارف کرائے جاتے ہیں، جنہیں ہاتھوں ہاتھ صارفین کی جانب سے خرید لیا جاتا ہے۔
موبائل فون کی خریداری اور سم و میموری کارڈ کی تبدیلی کے دوران کچھ ضروری اقدامات بھی اٹھانے ہوتے ہیں تاکہ ڈیٹا اور ذاتی معلومات کو محفوظ بنایا جاسکے لیکن اکثر صارفین لاپرواہی کا مظاہرہ کرتے ہیں اور پھر نقصان اٹھاتے ہیں۔
موبائل فون کی خریداری کرتے وقت ہمیں ان چند ضروری ہدایات کو ذہن میں رکھنا چاہئے۔
1۔ ذاتی اکاؤنٹس میں بہت سارا ڈیٹا ہوتا ہے، بشمول بینک اکاؤنٹس، کارڈز، آن لائن شاپنگ سائٹس، یا بینک کارڈ کی تفصیلات وغیرہ، لہذا موبائل فون کی تبدیلی سے قبل تمام اکاؤنٹس کو لازمی لاگ آؤٹ کریں، جو شناخت کرنے والی تمام معلومات کو حذف کر دیتا ہے۔
2۔ کچھ لوگوں کا خیال ہے کہ لاگ آؤٹ کرنا کافی ہے، لیکن اضافی تحفظ کے لیے آپ کو اہم پاس ورڈ تبدیل کرنے چاہیں، جو آپ نے اپنے سمارٹ فون پر محفوظ کر رکھے تھے۔
3۔ موبائل فون کی تبدیل کرنے سے قبل اپنے فوٹو، فائلز اور دیگر ڈیٹا کو بچانے کے لیے اس کا بیک اپ ضرور بنائیں، اینڈرائڈ صارفین گوگل کے ذریعے بیک اپ بناسکتے ہے جب کہ آئی فون صارفین کے لیے آئی کلوڈ کی سہولت موجود ہے۔
4۔ فون میں موجود تمام کارڈز کو نکال لیں اور اس بات کی یقین دہانی کرلیں کہ تمام ڈیٹا سم اور میموری کارڈ میں کاپی ہوچکا ہے تاکہ آپ کا کسی بھی قسم کا ڈیٹا موبائل خریدنے والے شخص کے پاس نہ جائے۔
5۔ زیادہ تر ماہرین آپ کے فون پر فیکٹری ری سیٹ کرنے کی اہمیت پر زور دیتے ہیں، کیونکہ یہ اقدام فون کو اپنی ڈیفالٹ حالت میں دوبارہ سیٹ کرتا ہے۔
