سیول: (ویب ڈیسک) جنوبی کوریا کی مشہور ٹیکنالوجی کمپنی سام سنگ اپنا سستا ترین فون گلیکسی ایف 42 متعارف کرانے جا رہی ہے، یہ فون فائیو جی کی خصوصیات کا حامل ہوگا۔
میڈیا رپورٹس کے مطابق اس فون کی قیمت کے بارے میں تو کچھ کہنا مشکل ہے، مگر ایف سیریز کے فونز اے سیریز سے سستے ہوتے ہیں تو یہ گلیکسی اے 22 سے سستا ہی ہوگا۔
گلیکسی اے 42 فائیو جی مئی میں وائی فائی سرٹیفکیشن کے بعد رپورٹس میں آیا تھا اور اب اس کی بلیوٹوتھ سرٹیفکیشن ہوئی ہے، جس سے عندیہ ملتا ہے کہ بہت جلد اسے پیش کردیا جائے گا۔
خیال رہے کہ سام سنگ نے اس سے قبل گلیکسی اے 22 متعارف کرایا تھا جو رواں سال جولائی سے دستیاب ہوگا، کہا جا رہا ہے کہ اس کی قیمت لگ بھگ 43 ہزار روپے ہوگی گلیکسی ایف 42 بنیادی طور پر اے 22 کا ری برانڈڈ ورژن ہے۔
اس میں15 واٹ فاسٹ چارجنگ سپورٹ، ایںڈرائیڈ 11 آپریٹنگ سسٹم اور فنگرپرنٹ اسکینر دیگر قابل ذکر فیچرز ہیں۔ اس میں بیٹری البتہ اے 22 سے زیادہ طاقتور ہوگی جو 6000 یا 7000 ایم اے ایچ کی ہوسکتی ہے، اے 22 میں 5000 ایم اے ایچ بیٹری موجود ہے۔
فون کے بیک پر 48 میگا پکسل، 5 میگا پکسل اور 2 میگا پکسل پر مشتمل ٹرپل کیمرا سیٹ اپ ہوگا۔ یہ فون 4، 6 اور 8 جی بی ریم جبکہ 64 سے 128 جی بی اسٹوریج سے لیس ہوسکتا ہے۔
فون میں واٹر ڈراپ نوچ میں 8 میگا پکسل کیمرا چھپا ہوگا جبکہ میڈیا ٹیک کا ڈیمینسٹی 700 پراسیسر موجود ہوگا۔ گلیکسی ایف 42 فائیو جی میں 6.6 انچ کا فل ایچ ڈ پلس آئی پی ایس ڈسپلے 90 ہرٹز ریفریش ریٹ کے ساتھ ہوگا۔
