لاہور:(ویب ڈیسک) دنیا کی سب سے بڑی ویڈیو شیئرنگ ویب سائٹ یوٹیوب نے ایک مرتبہ پھر اپنی متعصب پالیسی کو جاری رکھتے ہوئے یہود مخالف لیکچرز کو بنیاد بنا کر معروف مذہبی سکالر مرحوم ڈاکٹر اسرار احمد کا چینل بند کر دیا ہے۔
خیال رہے کہ ڈاکٹر اسرار کے یوٹیوب چینل پر سبسکرائبرز کی تعداد 3 ملین یعنی 30 لاکھ کے قریب ہے اور ان کے لیکچرز کو سننے والوں کی بڑی تعداد بھی موجود ہے۔
یوٹیوب کی جانب سے جاری کردہ بیان میں کہا گیا ہے کہ ڈاکٹر اسرار کے دو چینلز کو نفرت انگیز اور تشدد سے متعلق پالیسیوں کی خلاف ورزی پر معطل کیا گیا ہے۔
اس حوالے سے تنظیم اسلامی کے امیر شجاع الدین شیخ نے یوٹیوب پر ڈاکٹر اسرار احمد آفیشل یوٹیوب چینل کو بند کرنے کی شدید مذمت کرتے ہوئے اسے اسلاموفوبیا کی بدترین شکل قرار دیتے ہوئے کہا کہ اسلاموفوبیا کے اس شرمناک فعل کے جواب میں تنظیم اسلامی نے متعلقہ پلیٹ فارمز کے ذریعے بھرپور قانونی چارہ جوئی کا آغاز کر دیا ہے۔
Asalamu Alaikum WrWb.
— Tanzeem-e-Islami (@tanzeemorg) April 2, 2022
Removal of the Dr. Israr Ahmad Official #YouTube channel is a blatant act of #Islamophobia. Tanzeem-e-Islami has commenced a robust legal and procedural action in response to this shameful act on all relevant and concerned platforms.
Was Salam pic.twitter.com/KB5wpA8gNl
خیال رہے کہ یوٹیوب نے ڈاکٹر اسرار احمد کے چینل کے خلاف ایکشن کا فیصلہ اخبار جیوش کرونیکل میں ڈاکٹر اسرار کے خلاف مختلف رپورٹس شائع ہونے کے بعد کیا، جس میں الزام لگایا گیا تھا کہ ٹیکساس میں یہودی عبادت خانے کو یرغمال بنانے والا برطانوی نژاد پاکستانی ملک فیصل اکرام ڈاکٹر اسرار کے لیکچرز سے متاثر تھا۔