بیجنگ: (ویب ڈیسک) چینی ٹیکنالوجی کمپنی کائیوا نے ایک ایسے ہیمنائیڈ روبوٹ کو پیش کرنے کا اعلان کیا ہے جو مصنوعی روبوٹک بچوں کو جنم دے گا۔
مذکورہ منفرد روبوٹ کے پیٹ میں مصنوعی رحم نصب کیا جائے گا، جو 10 ماہ تک جنین کو پال کر بچے کی پیدائش ممکن بنائے گا۔
ٹیکنالوجی ویب سائٹ نے چینی میڈیا کی خبروں کا حوالہ دیتے ہوئے بتایا کہ مذکورہ روبوٹ کو 2026 تک متعارف کرایا جائے گا اور اس کی قیمت ایک لاکھ یوآن (تقریباً 13,900 ڈالر) سے تک ہوگی۔
کمپنی کی جانب سے مذکورہ روبوٹ پیش کرنے کے اعلان کے بعد عوامی سطح پر شدید بحث شروع ہوگئی اور لوگ اخلاقی خدشات سے لے کر بانجھ پن کے شکار افراد کیلئے امید کی کرن جیسے مسائل پر بحث کرتے دکھائی دیئے۔
کائیوا ٹیکنالوجی کے بانی اور نانیانگ ٹیکنالوجیکل یونیورسٹی سے وابستہ ژانگ کیفینگ نے ورلڈ روبوٹ کانفرنس میں بیجنگ میں اس ہیمنائیڈ روبوٹ کا تصور پیش کیا۔
ژانگ کیفینگ کے مطابق یہ محض ایک انکیوبیٹر نہیں بلکہ ایک زندگی کے سائز کا ہیمنائیڈ ہے جس کے پیٹ میں مصنوعی رحم نصب ہوگا، جو تصور سے لے کر پیدائش تک پورے عمل کو نقل کر سکتا ہے۔
