مظفر گڑؑھ: (ویب ڈیسک) ملتان میں ایک ہی لڑکے سے دو سہیلیوں کی شادی کا ڈراپ سین، لڑکیاں روٹھ گئیں، پولیس دلہا کے پیچھے ہی پڑ گئی، دلہا گھر کا رہا نہ گھاٹ کا، پولیس نے اشتہاری قرار دیدیا۔
قبل ملتان کی دو لڑکیوں سے شادی کرنے والے مظفر گڑھ کے رہائشی نوجوان فراز کو اندازہ نہ تھا کہ اس کی خوشیوں کو کسی کی نظر لگ جائے گی۔ کچھ عرصہ قبل تک دو شادیاں کر کے خود کو خوش قسمت سمجھنے والا یہ نوجوان اب اکیلا ہے اور پولیس سے چھپتا پھر رہا ہے۔
خیال رہے کہ ملتان کی رہائشی لڑکیوں علینہ اور علشبہ نے مظفر گڑھ سے تعلق رکھنے والے نوجوان فراز کو اپنا جیون ساتھی بنایا اور تمام زندگی ساتھ رہنے کے وعدے کیے تھے۔
محبت کی اس کہانی میں اس وقت ٹوسٹ آیا جب علینہ نامی لڑکی اپنے شوہر فراز سے روٹھ کر اپنے گھر چلی گئی اور 19 سالہ فراز پر اغواء کا مقدمہ درج کرا دیا۔
فراز کی پریشانی ابھی کم نہ ہوئی تھی کہ کچھ ہی دنوں بعد اس کی دوسری بیوی علشبہ نے بھی اپنے شوہر کا ساتھ چھوڑ دیا۔ فراز نے الزام عائد کیا ہے کہ اس کی اہلیہ علینہ کے والد نے پولیس والوں کو پیسے دے کر مجھ کر جھوٹا مقدمہ درج کروایا دیا ہے۔
دوسری جانب مظفر گڑھ کی پولیس نے لڑکی کے اغوا کا مقدمہ درج کرتے ہوئے فراز کو اشتہاری قرار دیدیا ہے اور اس کی گرفتاری کیلئے جگہ جگہ چھاپے مارے جا رہے ہیں۔
