نیویارک: (روزنامہ دنیا) امریکی جریدے فوربز نے تازہ رپورٹ میں دنیا کے امرا کے نشہ دولت کے بارے میں تھوڑے مختلف زاویے سے رپورٹ شائع کی ہے جس میں دنیا کے درجہ اول کے 10 امرا کی جنت نظیر رہائش گاہوں کی تفصیلات دی گئی ہیں۔
ان میں سے درجہ اول کے دس امرا کی صرف 10 لگژری کوٹھیوں کی قیمت جمع کی جائے تو اس سے 23 ہزار بہترین اور جدید سہولیات سے آراستہ فرنشڈ مکان تعمیر کئے جا سکتے ہیں۔ بھارت کے ارب پتی موکیش انبانی کا بمبئی میں محل ایک ارب ڈالر سے زیادہ قیمتی بتایا جاتا ہے۔ دوسرے نمبر پر برازیلی لیلی صفریٰ کے محل ‘‘لیو بولڈا’’ کی مساوی قیمت سے پسماندہ ملکوں میں 50 بڑے ہسپتال قائم کئے جاسکتے ہیں۔
ارب پتی امریکی آئیر الیون نیرٹ کے نیویارک میں محل کی مالیت دو کروڑ 48 لاکھ 5 ہزار ڈالر سے زیادہ ہے۔ دو ہفتے بیشتر لندن میں ‘‘نائیسٹ بریج’’ کے مقام پر ایک نامعلوم ارب پتی نے 237 ملین ڈالر کی رقم سے عالی شان محل خریدا ہے۔ بھارت کے لکشمی متل کا پانچواں اور یوکرائنی خاتون رینا اخمیتوف کا چھٹا نمبر ہے۔
امریکی ارب پتی‘‘ لاری السن’’ کے محل کی قیمت 200 ملین ڈالر بتائی جاتی ہے۔ اس کے بعد روسی ارب پتی‘‘رومان ابراموفوٹیچ’’ نے کنگسٹن کے مقام پر 140 ملین ڈالر مالیت سے کوٹھی خریدی۔ امریکی ارب پتی کین گریفین کے محل کا نواں نمبر ہے جبکہ بل گیٹس کے امریکہ میں ایک محل کی قیمت 77 ملین 500 ڈالر ہے۔
