واشنگٹن: (روزنامہ دنیا) امریکہ کے دارالحکومت واشنگٹن میں دلچسپ جراسک ریس کا انعقاد کیا گیا جس میں تقریباَ 20 کھلاڑیوں نے شرکت کی۔
ریس میں کھلاڑیوں نے ڈائنو سار کے کاسٹیوم زیب تن کئے اوردشوار گزار ٹریک پر خوب دوڑ لگائی۔ ڈائنوسار کا روپ دھارے شرکا کو دوڑتا دیکھ کر بچوں سمیت بڑے بھی خوب محظوظ ہوئے۔
اس ریس کی کئی تصاویر اور ویڈیوز سوشل میڈیا پر وائرل ہوچکی ہیں جسے ہزاروں افراد نے دیکھا اور پسند کیا۔ کئی صارفین نے دلچسپ تبصرے کر کے اپنی حس مزاح کا مظاہر ہ کیا، اکثر اس ریس میں شرکت کا طریقہ کار پوچھتے رہے۔
