شکاگو: (ویب ڈیسک) دنیا بھر میں مختلف طریقوں سے شادیوں کا انعقاد کیا جاتا ہے۔ کچھ لوگ عدالتوں میں جاتے ہیں، کچھ چرچز کا رُخ کرتے ہیں کچھ اپنے مذاہب کے طریقے کار کے تحت شادی کرتے ہیں تاہم امریکا سے ایک حیران کن خبر آئی ہے جس میں کمپنی نے نوبیاہتا جوڑوں کیلئے ’’پیزا ویڈنگ پیکیج‘‘ کا اعلان کر کے سب کو ورطہ حیرت میں ڈال دیا ہے۔
غیر ملکی خبر رساں ادارے کے مطابق ’پیزا ویڈنگ پیکیج‘ مقابلے کے تحت جیتنے والے ایک ہی جوڑے کو دیا جائے گا۔ ’پیزا ویڈنگ پیکج‘ میں دلہن کے لیے پیزا گاؤن تیار کیا گیا ہے جو کہ دکھنے میں بالکل پیزا کی طرح نظر آتا ہے۔
’پیزا ویڈنگ پیکج‘ میں دلہن کے لیے پیزا گاؤن تیار کیا گیا ہے، پیزا گاؤن کے علاوہ ’پیزا پیکج‘ جیتنے والی دلہن پھولوں کے گلدستے کے بجائے ایسا گلدستہ لے گی جو کہ اس کے لباس کے جیسا پیزا سے مشابہت رکھتا ہوگا۔
اس پیکج میں ویڈنگ کیک بھی ہوگا جو کہ عام کیک کی طرح نہیں بلکہ پیزا سے بنا ہوا کیک ہوگا۔ کمپنی کے مینیجر کا کہنا تھا کہ شادی ایسا موقع ہوتا ہے جس میں آپ محبت کا جشن مناتے ہیں اور اچھا کھانا ہی سب کی توجہ کا مرکز ہوتا ہے۔ ’پیزا ویڈنگ پیکج‘ اس سال کے اختتام میں کسی ایک خوش نصیب جوڑے کو دیا جائے گا۔
