ٹیکساس: (نیٹ نیوز) امریکی باشندے نے گمشدہ پالتو کتے کو تلاش کرنیوالے کیلئے بطور انعام ایک گھر، پلاٹ اور کارخانہ دینے کا اعلان کر دیا ہے۔
تفصیلات کے مطابق امریکی باشندے نے گمشدہ پالتو کتے کو تلاش کرنیوالے کیلئے بطور انعام ایک گھر دینے کا اعلان کر دیا، اس کے بعد انعام میں انہوں نے اپنا ایک پلاٹ اور کارخانہ بھی شامل کر دیا۔
امریکا کے شہر ٹکسن کے رہائشی ایڈی کولنز کا جینی نامی کتا تھا اپریل سے لاپتا ہے۔ چی ہوا ہوا نسل کا یہ کتا نایاب ہے اور اپنے مالک کو بہت پیارا ہے، اس کی تلاش میں ایڈی کولنز نے کئی علاقوں کو چھان مارا اور پوسٹر بھی لگوائے۔ اب انہوں نے کتا ڈھونڈنے والے کو ایک گھر انعام دینے کا اعلان کیا اور اگلے روز اس میں ایک پلاٹ اور کارخانہ شامل کر دیا۔
