اوسلو: (روزنامہ دنیا) ناروے سے تعلق رکھنے والے نوجوان نے اپنی پھرتی سے سب کو حیران کر دیا اور گلاس ایسی ترتیب سے رکھے کہ دیکھنے والے بھی دنگ رہ گئے۔
میڈیا رپورٹس کے مطابق باصلاحیت نوجوان نے گلاسوں کو ایک دوسرے پر رکھنے میں ایسی تیز رفتاری کا مظاہرہ کیا کہ گنیز ریکا رڈ بنا ڈالا۔ ڈنمارک کے شہر کوپن ہیگن میں ہونے والے مقابلے میں بینڈک مونامی نوجوان نے مشین کی سی تیز رفتاری کا مظاہرہ کرتے ہوئے صرف ایک منٹ 33 سیکنڈز میں 30 الگ الگ سیٹ میں گلاس ایک دوسرے پر ترتیب دے کر ورلڈ ریکارڈ بنا ڈالا۔
اس موقع پر نوجوان کو شائقین کی جانب سے جہاں خوب داد ملی وہاں ریکارڈ بنانے پر ساتھیوں نے خوشیاں منانے میں بینڈک مونامی کا بھرپور ساتھ دیا۔
