دبئی: (روزنامہ دنیا) دبئی میں ایک ڈائناسور کا ڈھانچہ فروخت کیلئے پیش کیا جائے گا جس کی قیمت ایک کروڑ 46 لاکھ درہم لگنے کا امکان ہے، نیلامی 25 اگست کو ہو گی۔
میڈیا رپورٹس کے مطابق دبئی مال میں نمائش کیلئے رکھے گئے ڈائنا سور کے ڈھانچے کی مجموعی لمبائی 24.4 میٹر اور اس کا وزن 5 ہاتھیوں کے برابر ہے۔ اماراتی ماہرین کا کہنا ہے کہ یہ لمبی گردن رکھنے والے ڈائناسور کی قسموں میں سے ایک ہے جو گوشت خور نہیں، اس کی بنیادی غذا پتے ہوا کرتی تھی۔
ڈائناسور کی دم انتہائی مضبوط اور طویل ہے، ماہرین کے مطابق اس قسم کے ڈائناسور لڑائی کی صورت میں دم کا استعمال کیا کرتے تھے۔
