نیویارک: (نیٹ نیوز) باکسنگ کے کئی مقابلے دیکھے جاتے ہیں لیکن خرگوشوں کے درمیان باکسنگ کا انوکھا مقابلہ دیکھ کر لوگ حیران رہ گئے۔
میڈیا رپورٹس کے مطابق امریکی ریاست ایریزونا کے جنگل میں 2 خرگوشوں میں ٹھن گئی اور دونوں نے ایک دوسرے پر مکوں کی بارش کر دی۔
کچھ دیر چلنے والے اس باکسنگ کے مقابلے کو بریک اس وقت لگی جب ایک خرگوش بھاگ کھڑا ہوا۔
باکسنگ کے اس شاندار مقابلے کی ویڈیو سوشل میڈیا پر مقبول ہوچکی ہے اور اسے ہزاروں افراد دیکھ چکے ہیں جبکہ کئی صارفین نے جیتنے والے خرگوش کوچیمپئن کا خطاب دیا ہے۔
