نیویارک: (نیٹ نیوز) امریکا میں ایک بازی گر نے 3 جلتے کوڑوں کو ایک منٹ میں 82 بار فضا میں اچھال کر عالمی ریکارڈ اپنے نام کرلیا۔
ایرون بونک نامی امریکی بازی گر نے یہ خطرناک کرتب دکھا کر نہ صرف سب کو دنگ کردیا بلکہ گنیز ریکارڈ بھی بنا ڈالا۔ ایرون بونک اس کے علاوہ بھی کئی ریکارڈ بنا چکا ہے۔
نوجوان بازی گر کے جلتے کوڑے ہوا میں پھینکنے کے کارنامے کی ویڈیو سوشل میڈیا پر وائرل ہوتے ہی مقبول ہوگئی اور صارفین نے جہاں پسندیدگی کا اظہار کیا وہیں کئی نے اسے خطروں کا کھیل کہہ کر محتاط رہنے کی ہدایت بھی کی۔
