ڈبلن: (نیٹ نیوز) دنیا بھر میں چوری ڈکیتی کے واقعات بے حد عام ہیں تاہم آئرلینڈ میں چوروں نے انوکھے اندازمیں اے ٹی ایم چرا لی۔
میڈیا رپورٹس کے مطابق چوروں کا گروپ ایک ڈگر مشین چوری کرکے لایا اور اس کی مدد سے عمارت کی دیوار توڑ کر اے ٹی ایم لے گیا۔
اس واقعہ میں عمارت کو کافی نقصان پہنچا جبکہ پولیس کی جانب سے چوروں کی تلاش جاری ہے لیکن تاحال کوئی کامیابی نہیں مل سکی ہے۔
دوسری طرف اس واردات کی ویڈیوسوشل میڈیاپر وائرل ہوگئی ہے جس پر صارفین دلچسپ تبصرے کرنے میں مصروف ہیں۔
