لاہور: (روزنامہ دنیا) ایل ای ڈی لائٹس سے مزین 8 سو ڈرونز سے طیاروں کی ایسی مہارت سے فارمیشن کی گئی کہ آسمان جگمگا اُٹھا۔
میڈیا رپورٹ کے مطابق چین کے صوبے جیانگ ژی کے شہر ننچانگ میں منعقد ہونے والے منفرد نوعیت کے اس ڈرون شو میں ایل ای ڈی لائٹس سے مزین تقریبا 8 سو ریموٹ کنٹرول ڈرونز کو ایک ساتھ آسمان پر اُڑایا گیا اور اِن جگمگ کرتے ڈرونز کے ذریعے جہاز، ہیلی کاپٹر اور جیٹ طیاروں کی حیرت انگیز فارمیشن کچھ اس انداز میں ترتیب دی گئی کہ ہر طرف روشنیاں بکھر گئیں۔
جگنوں کی طرح آسمان پر روشنی بکھیرتے ڈرونز کی شاندار فارمیشن دیکھنے کیلئے لوگوں کی بڑی تعداد موجود تھی، بچے اس موقع پر خوب پرجوش دکھائی دیئے جو ڈرونز کی رنگ برنگی روشنیوں سے جیسے سحر میں مبتلا دکھائی دیئے۔
