ایڈن برگ: (روزنامہ دنیا) خطروں سے کھیلنا ایڈونچر کے شوقین منچلوں کا پسندیدہ مشغلہ ہوتا ہے تاہم ان میں سے کچھ سر پھرے اپنا شوق پورا کرنے کیلئے خطرناک راستوں کا سفر بھی با آسانی کر لیتے ہیں اور ایسے کارنامے انجام دیتے ہیں کہ دیکھنے والے حیران رہ جائیں۔
میڈیا رپورٹ کے مطابق خطروں کا ایک کھلاڑی کلف ڈائیونگ کا شوق پورا کرنے کیلئے سکاٹ لینڈپہنچ گیا۔ جانباز ڈائیور نے بلند و بالا پہاڑ سے چھلانگ لگائی اور کئی قلابازیاں کھاتے ہوئے نہ صرف ایڈونچر کا شوق پورا کیا بلکہ کلف ڈائیونگ کا شاندار مظاہرہ بھی کیا جبکہ اس کو دیکھنے والوں کی سانسیں تھم گئیں۔
نوجوان کی ہمت کی داد دینے والوں میں جہاں خواتین بھی شامل تھیں وہیں مزید نوجوانوں نے بھی ایسا ایڈونچر کرنے کا تہیہ کر لیا۔
