لاہور: (ویب ڈیسک) دنیا بھر میں متعدد لگژری مکان بنانے کے لیے لوگ اپنے کروڑوں روپے لگا دیتے ہیں، جب کچھ لوگ زندگی بھر ایک مکان بنانے کی خاطر اپنی جمع پونجی اکٹھی کر کے بناتے ہیں تاہم ایک حیران کن خبر امریکا سے آئی ہے جہاں پر ایک نوجوان نے کنٹینرز کی مدد سے تین منزلہ گھر بنا ڈالا۔
امریکی خبر رساں ادارے کے مطابق ریاست ہیوسٹن میں نوجوان نے اپنے 11 کنٹینرز کو 3 منزلہ خوبصورت گھر میں تبدیل کرکے سب کو حیران کردیا۔ آرکیٹیکٹ ول بریاکس نے 11 کنٹینرز کی سے اپنے خوابوں کا گھر تیار کیا۔
بریاکس کا کہنا تھا کہ دماغ میں کنٹینرز کو گھر میں تبدیل کرنے کا خیال کافی وقت سے تھا۔ اس خیال کو حقیقی رنگ دینے کے لیے کنٹینرز سے گھر بنانے کے لیے سب سے پہلے گھر کا تھری ڈی ڈیزائن کمپیوٹر میں تیار کیا اور اس ڈیزائن پر عمل کرتے ہوئے گھر بنانے کا کام شروع کیا اور ایک ہی دن میں 11 کنٹینرز کو کرین کی مدد سے ایک کے اوپر ایک رکھنے کے بعد دن رات اس گھر کو بنانے میں مشغول رہے۔
بریاکس کے ہیوسٹن کی میک گوون اسٹریٹ میں کنٹینرز سے بنا3 منزلہ گھر ابھی نا مکمل ہے جسے وہ جلد ہی مکمل کرلیں گے۔ اگر میرے پاس رقم موجود ہوتی تو وہ بہت پہلے ہی اس گھر کو بنا لیتے۔
کنٹینر سے بنا 3 منزلہ خوبصورت گھر ہیوسٹن کی میک گوون اسٹریٹ میں مقبول ہونے کے ساتھ سوشل میڈیا پر بھی وائرل ہو رہا ہے۔
