نیویارک: (روزنامہ دنیا) امریکی ریاست پنسلوانیا کے شہر ہرشیز میں کھیلے جانے والے آئس ہاکی میچ میں تماشائیوں نے 45 ہزار بھالو میدان میں پھینک کر عالمی ریکارڈ بنا ڈالا۔
میڈیا رپورٹ کے مطابق بیئرز اور ہارٹ فورڈ کی ٹیموں کے درمیان کھیلے جانے والے میچ کے دوران پھینکے گئے یہ ٹیڈی بیئر کرسمس کے موقع پر رفاحی اداروں کو عطیہ کئے جائیں گے۔
میدان میں بارش کی طرح برستے ہوئے ٹیڈی بیئرز کی ویڈیو سوشل میڈیا پروائرل ہوگئی ہے جسے صارفین نے بے حد پسند کیا ہے ۔ہرشیز میں گزشتہ سال تماشائیوں نے 35 ہزار ٹیڈی بیئرز جمع کرنے کا ریکارڈ بنایا تھا۔
