نیویارک (نیٹ نیوز)امریکہ میں ریاست فلوریڈا سے شمالی کیلیفورنیا جانے والی پرواز میں ہزاروں فٹ بلندی پر ایک خو بصورت بیٹی کو جنم دینے والی ماں’’نیریدا آراؤجو‘‘ نے اپنی بیٹی کا نام سکائی یعنی آسمان رکھ دیا ہے۔
میڈیا رپورٹ کے مطابق افریقی نژاد ماں نے سوشل میڈیا پر اپنے پیغام میں لکھا کہ فضاؤں میں جنم لینے والی بچی کا نام سکائی سے اچھا اور کیا ہو سکتا ہے۔ میں نے اپنی بیٹی کا نام لیزیانا سکائی ٹیلر رکھنے کا فیصلہ کیا ہے۔
سوشل میڈیا صارفین نے بچی کے نام کو بے حد پسند کیا اور ماں کو مبارکباد دی جبکہ امریکی ایئر لائن کی جانب سے نومولود بچی کو تحفے بھیجے گئے ہیں۔
