طلاق ملنے پر خاتون کا شادی والا جوڑا پہن کر جشن، ویڈیو وائرل

Last Updated On 28 January,2020 07:40 pm

ریاض: (ویب ڈیسک) دنیا بھر میں ایسی خبریں پڑھنے کو ملتی ہیں جن پر فوری طور پر یقین کرنا مشکل ہو جاتا ہے، کچھ دلچسپ اور کچھ عجیب خبریں شائقین کو ورطہ حیرت میں ڈال دیتی ہیں، ایسی ہی ایک خبر سعودی عرب سے آئی ہے جہاں پر ایک خاتون نے طلاق ملنے کے بعد شادی کا جوڑا پہن کر جشن منایا۔

خبر رساں ادارے کے مطابق سعودی خاتون امیرہ الناصر نے طلاق کا جشن شادی کا جوڑا پہن کر منایا ہے اور اس کی ویڈیو سوشل میڈیا پر شیئر کر دی جو دیکھتے ہی دیکھتے وائرل ہو گئی ہے۔

#حفل_طلاق_اميره_الناصر

هاشتاق مرفوع حول حفل طلاق أميرة الناصر، والتي ظهرت بإسمها هاشتاقات عديدة مؤخرًا، جميعها مرفوعة. pic.twitter.com/YJdtNdEByQ
— وش سالفة الهاشتاق؟ (@AbtWhaat) January 26, 2020

المرصد کے مطابق اس حوالے سے ’#حفل_ امیرہ_ الناصر‘ کے عنوان سے ہیش ٹیگ پر تبصروں کی بھر مار ہے۔

#حفل_طلاق_اميره_الناصر

له ساعه يقوله وش اخبارك اخر شي يسأله انت مين pic.twitter.com/HuzEaOmXIB
— المديونير (@Q_KSA_M) January 27, 2020

امیرہ الناصرپر کو طلاق کا جشن شادی کا جوڑا پہن کر منانے پر تنقید کا سامنا کرنا پڑا ہے۔ جس پر امیرہ نے کہا ہے کہ میں نے جان بوجھ کر طلاق کے بعد شادی کا جوڑا زیب تن کیا ہے تاکہ پوری دنیا کو بتا سکوں کہ علیحدگی پر خوش ہوں۔

ایک اور صارف نے لکھا کہ طلاق سے امیرہ کو بہت زیادہ دکھ ہوا ہے۔ لگتا ہے طلاق دینے والا خاوند اسے بے حد عزیز تھا۔ امیرہ کی آنکھیں آنسوﺅں سے تر ہیں۔

دوسری ٹوئٹر صارف نے کہا کہ امیرہ بہادر خاتون ہے۔ نجی آزادی میں فراست اور جرات کا مظاہرہ کیا۔ ناپسندیدہ ماحول سے ٹکر لی۔

ایسے ہی ایک صارف نے اپنے ٹویٹ میں امیرہ کے ناقدین کو مخاطب کرتے ہوئے کہا کہ آپ لوگوں کو کچھ بھی کہنے سے قبل یہ سمجھنا چاہیے تھا کہ امیرہ کے خاوند کا اس کے ساتھ کیا رویہ تھا۔ ناحق کسی پر تنقید کرنا اچھی بات نہیں۔