بیجنگ: (روزنامہ دنیا) چینی لڑکی نے بانس پر دریا عبور کرتے ہوئے توازن بر قرار رکھنے کا حیرت انگیز مظاہرہ پیش کیا جسے دیکھنے والا ہر شخص لڑکی کی صلاحیتوں کا معترف ہو گیا.
میڈیا رپورٹ کے مطابق یوں تو عموماَ دریا پلوں یا پھر کشتیوں کی مدد سے عبور کیا جاتا ہے لیکن چینی لڑکی نے انوکھے اور منفرد انداز میں دریاعبور کر کے سب کو حیران کردیا۔ چینی لڑکی نے نہ صرف بانس پر دریا عبور کرتے ہوئے توازن بر قرار رکھنے کا حیرت انگیز کارنامہ انجام دیا بلکہ بانس پر چلتے ہوئے ڈانس مووز بھی پیش کر کے دیکھنے والوں کو دنگ کردیا۔
اس حیرت انگیز کارنامے کی ویڈیوسوشل میڈیا پر وائرل ہوچکی ہے اور ہردیکھنے والی لڑکی کی صلاحیتوں کا معترف ہے ۔
