انقرہ: (روزنامہ دنیا) ترکی میں خطرہ مول لے کر آئل ٹینک میں گرے ہوئے ننھے کتے کو بچانے والے بچے کی ویڈیو وائرل ہو گئی۔
میڈیا رپورٹ کے مطابق ترکی میں ایک 10 سالہ بچے نے تیل کے ٹینک میں گرجانیوالے کتے کے پلے کو اپنی ساتھیوں کی مدد سے خطرہ مول لے کر بچا لیا۔ ٹینک سے نکال کر ننھے کتے کے جسم سے تیل کو اچھی طرح صاف کیا اور اس کا جسم خشک کیا۔
ویڈیو میں دیکھا جاسکتا ہے کہ بچے اور اس کے ساتھیوں نے بعد میں کتے کی خوراک کا بھی انتظام کیا۔ وائرل ہونیوالی ویڈیو کو صارفین نے بہت پسند کیا اور بچے کے جذبے کو سراہا۔
