واشنگٹن: (روزنامہ دنیا) امریکا میں 4 سالہ بچی جنگل میں بھٹک گئی، اس کے ساتھ موجود وفادار کتا پولیس کے وہاں پہنچنے تک اس کی حفاظت کرتا رہا۔
میڈیا رپورٹ کے مطابق امریکی ریاست الباما کی رہائشی 4 سالہ ویڈی اپنے گھر کے لان سے 70 سالہ آیا کی نظر بچا کر باہر نکلی اور قریب موجود جنگل میں جا کر کھیلنے لگی تاہم اس کے بعد واپسی کا راستہ بھول گئی۔
اگلے دو دن تک بچی کا کوئی سراغ نہ ملا، پولیس اہلکار ڈرونز اور گھوڑوں کی مدد سے اسے تلاش کرتے رہے اور بالآخر 48 گھنٹوں بعد اس تک پہنچ گئے جہاں کتا بچی کی حفاظت کے لئے چوکس کھڑا تھا۔
