واشنگٹن: (روزنامہ دنیا) امریکی خلائی ادارے ناسا نے چاند پر ٹوائلٹ ڈیزائن کرنے والوں کیلئے انعامات کا اعلان کر دیا، ناسا نے ٹوائلٹ ڈیزائن کیلئے مخصوص ہدایات بھی جاری کی ہیں جن کے مطابق تیار کئے گئے ڈیزائن کو ہی منظور کیا جائے گا۔
میڈیا رپورٹ کے مطابق جو شخص مائیکرو گریویٹی کا حامل چاند پر کام کرنے والاٹوائلٹ ڈیزائن کرے گا اسے 20 ہزار ڈالر کا انعام دیا جائے گا، دوسرے نمبروالے کو 10 ہزار اور تیسرے نمبر والے کو 5 ہزار ڈالر کا انعام دیا جائے گا۔
ٹوائلٹ کا ڈیزائن 17اگست تک ناسا کو بھجوا جا سکتا ہے تاہم اس کو بنانے کیلئے چند بنیادی اصولوں کو مد نظر رکھنا ہوگا۔ یہ ٹوائلٹ 4.2 کیوبک فٹ سے بڑا نہیں ہوسکتا اور نہ ہی اس میں 60 ڈیسی بل سے زیادہ آواز آنے کی گنجائش ہو۔
