لاہور: (روزنامہ دنیا) ’’عجیب الخلقت ‘‘نظر آنے والے پرندے نے انسانی عقل کا امتحان لے لیا۔
میڈیا رپورٹ کے مطابق سوشل میڈیا پر وائرل ہونے والی ایک تصویر میں کوئی عجیب الخلقت مخلوق نظرنہیں آرہی بلکہ یہ مشہور پرندہ گدھ ہے، فوٹوگرافر نے اپنی صلاحیت اور مہارت کا مظاہرہ کرتے ہوئے گدھ کی ایسی تصویر لی کہ صارفین دیکھ کر دنگ رہ گئے اور بعض تو سرپکڑ کر بیٹھ گئے۔
تصویر کچھ اس طرح کا منظر پیش کررہی ہے کہ کسی منفرد پرندے کی بڑی بڑی آنکھیں ہیں لیکن حقیقت میں وہ آنکھیں نہیں بلکہ گدھ کے سر کا وہ اوپروالا حصہ ہے جہاں پر عموماً بال نہیں ہوتے۔
واضح رہے کہ گدھ مردار کھانے والا پرندہ ہے، عام طور پر لوگ اس کو پسند نہیں کرتے تاہم فوٹو گرافر نے اپنی مہارت استعمال کرتے ہوئے ایسی تصویر بنائی کہ بہت سے لوگ داد دینے پر مجبور ہو گئے۔
