یوٹاہ: (روزنامہ دنیا) مغربی امریکا میں واقع ریاست یوٹاہ کے ایک علاقے میں 20 بڑے برمی اژدھوں نے ایک گھر کو گھیر لیا جسے دیکھ کر لوگ خوف زدہ ہو گئے۔
میڈیا رپورٹ کے مطابق امریکی ریاست یوٹاہ کے علاقے ہالیڈے میں ایک شخص نے غیر قانونی طور پر 20 بڑے برمی سانپ پال رکھے تھے جن میں سے زیادہ تر آزاد ہو کر گھر سے باہر نکل آئے اور علاقے میں آس پاس رینگنے لگے۔
SNAKE SEIZURE: UPD removed 20 pythons from a Holladay home, but the man who lives there tells me this is his life and these Burms (Burmese pythons) are his kids. Tonight @ 9, he explains how much he loves these snakes, but why @UPDSL says owning them was illegal. @fox13 pic.twitter.com/EjyW1GTKNN
— Lauren Steinbrecher (@LaurenSnews) October 13, 2020
لوگ گھر کے باہر اتنے بڑے سانپوں کو آزادانہ رینگتے دیکھ کر ڈر گئے۔ پولیس نے اطلاع ملنے پر 64 سالہ شہری مارٹن بون کے گھر پر چھاپا مارا تو وہاں سے دیگر غیر ملکی جانور بھی بڑی تعداد میں برآمد ہوئے۔
چند اژدھے اندر شیشوں میں بند بھی تھے تاہم زیادہ تر آزادانہ آس پاس رینگ رہے تھے۔ اینیمل کنٹرول کے ادارے نے گھر میں موجود تمام جانوروں کو قبضے میں لے کر جانچ کے بعد دوسری جگہ منتقل کر دیا جب کہ پولیس نے مارٹن بون کے خلاف مقدمہ درج کر لیا ہے۔
پولیس نے مارٹن کے گھر سے جانوروں کے علاوہ چرس بھی بڑآمد کی جبکہ اس کے خلاف 10 خطرناک جانور، 10 غیرملکی جانور بغیر پرمٹ رکھنے کا مقدمہ درج کیا گیا ہے، چرس رکھنے کے جرم میں مارٹن کو 5 سال تک جیل بھگتنے کی سزا ہو سکتی ہے۔
