لاہور: (ویب ڈیسک) زمبابوے سے ایک انوکھی خبر نے سب کو حیران کر ڈالا ہے، جہاں پر 16 بیویاں اور 151 بچوں کے باپ نے 17 ویں شادی کی خواہش ظاہر کر دی۔
تفصیلات کے مطابق عام طور پر مہنگائی کے اس دور میں مردوں کی اکثریت ایک شادی اور چند بچوں سے پریشان نظر آتی ہے تاہم آج ہم جس شخص سے متعلق آپ کوبتانے جارہے ہیں ان کی 16 بیویاں اور 151 بچے ہیں ۔
برطانوی میڈیا کے مطابق 66 سالہ مسہیک نیندورو زمبابوبے سے تعلق رکھنے والے ریٹائرڈ فوجی ہیں جن کا دعویٰ ہے کہ وہ 151 بچوں اور 16 بیویوں کے باوجود کوئی نوکری نہیں کرتے کیوں کہ ان کی کل وقتی ملازمت اپنی 16 بیویوں کا خیال کرنا ہے۔
مسہیک نیندورو کا کہنا ہےکہ وہ اتنی بیویاں رکھنے کے باوجود 17 ویں شادی کے لیے تیار ہیں۔
.jpg)
غیر ملکی میڈیا سے گفتگو کرتے ہوئے ان کا کہنا تھا کہ انھوں نے یہ ازدواجی منصوبہ 1983میں شروع کیا تھا اور اس وقت تک رکنے کا ارادہ نہیں رکھتے جب تک انھیں موت نہیں آجاتی۔ انہیں اپنے متعدد ازواجی تجربات پر فخر ہے ، اور اگر وہ کرسکے تو وہ 100 شادیاں کرتے تاکہ ان کے بچوں کی تعداد 1000 تک ہو جاتی۔
ان کا کہنا ہے کہ وہ اپنی ہر بیوی کے ساتھ اس کی عمر کے مطابق برتاؤ کرتے ہیں چھوٹی عمر کی بیویوں سے ویسا برتاؤ نہیں کرتے جیسا بڑی عمر کی بیویوں کے ساتھ رکھتے ہیں۔
مزید حیران کن بات جو مسہیک نےمیڈیا کو بتائی وہ یہ کہ اتنا بڑا کنبہ ہونے کے باوجود مسہیک معاشی ذمہ داریوں کا بوجھ محسوس نہیں کرتے۔ وہ اس کے برعکس اپنے بڑے سے کنبے سے فائدہ اٹھا رہے ہیں۔
.jpg)
انہوں نے کہا کہ وہ اپنے بچوں سمیت سوتیلے بچوں سے بھی گفٹ اور پیسے وصول کرتے ہیں ۔ ان کی ہر بیوی روزانہ ان کے لیے کھانا پکاتی ہے لیکن وہ صرف وہی کھانا کھاتے ہیں جو مزیدار ہو۔
زمبابوے سے تعلق رکھنے شخص نے شادی پر اپنی تمام بیویوں سے وعدہ لے لیا تھا کہ وہ جب بھی ان کھانا واپس کریں گے تو وہ ناراض نہیں ہوں گی۔
