لاہور: (ویب ڈیسک) جنگلی جانوروں کے قریب جانے کا شوق کسی بھی وقت مہنگا پڑ سکتا ہے، ایک ایسی ہی ویڈیو سوشل میڈیا پر وائرل ہے۔
بھارتی میڈیا پر ایک ویڈیو شیئر کی گئی ہے جس میں ایک شخص کو پنجرے میں موجود شیروں کو ہاتھ لگا کر پیار کرتے دیکھا جا سکتا ہے۔
ویڈیو میں دیکھا جا سکتا ہے کہ چڑیا گھر کے ایک پنجرے میں دو شیر موجود ہیں اور سیر کیلئے آئے ہوئے ایک سیاح نے پنجرے میں لگی حفاظتی جالیوں کے اندر سے ہاتھ ڈال کر شیر کو پیار کیا مگر شیروں کو سیاح کا ہاتھ لگانا پسند نہیں آیا۔
شیر نے اپنی طاقت کا استعمال کرتے ہوئے سیاح کا ہاتھ دبوچ لیا، تاہم خوش قسمتی سے سیاح شیر کے منہ سے اپنا ہاتھ بچانے میں کامیاب ہوگیا۔
