واشنگٹن: (ویب ڈیسک)سماجی روابط کی ویب سائٹ ٹوئٹر کے مالک بننے کے بعد سے مسلسل تنازعات کے شکار ایلون مسک نے اپنے نئے اقدام سے صارفین کو چکرا کر رکھ دیا۔
دنیا کے امیر ترین شخصیات میں سے دوسرے نمبر پر براجمان ایلون مسک جو نامور امریکی کمپنیوں ٹیسلا اور سپیس ایکس کے چیف ایگزیکٹیو آفیسر بھی ہیں اور حال ہی میں ٹوئٹر کو خرید کر اس کے چیف بن گئے ہیں نے ٹوئٹر کے سی ای او کا اعلان کردیا۔
He’s great with numbers! pic.twitter.com/auv5M1stUS
— Elon Musk (@elonmusk) February 15, 2023
ایلون مسک نے اپنی ٹوئٹ میں ایک کتے کی تصویر شیئر کی جس کی شرٹ کے ایک کالر پر ٹوئٹر اور دوسری پر سی ای او لکھا ہے اور وہ کتا ایک لگژری آفس کی پالیسی ساز کرسی پر بیٹھا ہے۔
اس کے علاوہ اپنی ایک اور ٹوئٹ میں ایلون مسک نے ایک کتے کی تصویر شیئر کی جس نے سیاہ رنگ کی ٹی شرٹ پہنی ہوئی ہے اور اس پر سی ای او لکھا ہوا ہے۔ انھوں نے تصویر کے ساتھ کیپشن لکھا کہ ٹوئٹر کے نئے سی ای او حیرت انگیز ہیں۔
The new CEO of Twitter is amazing pic.twitter.com/yBqWFUDIQH
— Elon Musk (@elonmusk) February 15, 2023
اپنی اس ٹوئٹ کے تسلسل میں ایلون مسک نے مزید لکھا کہ یہ سی ای او پچھلوں سے بہتر ہے ،غالباً یہ طنز ایلون مسک نے ٹوئٹر کے بھارتی نژاد سابق سی ای او پراگ اگروال پر کیا ہے، ایلون مسک نے ٹوئٹر کی سربراہی سنبھالتے ہی پراگ اگروال سمیت 4 اعلیٰ عیدہداروں کو برطرف کردیا تھا۔
