ممبئی: (ویب ڈیسک) بھارت میں کمسن بچی نے والد کو فروخت کرنے کا اشتہار ہی گھر کے دروازے پر لگا دیا۔
بھارتی میڈیا رپورٹس کے مطابق سماجی رابطے کی ویب سائٹ ایکس (سابق ٹوئٹر) پر ایک تصویر وائرل ہو رہی ہے جس میں دیکھا جا سکتا ہے کہ گھر کے دروازے پر اشتہار لگا ہوا ہے جس پر درج ہے ’والد برائے فروخت قیمت دو لاکھ روپے، مزید معلومات کیلئے دروازے کی گھنٹی بجائیں۔
A minor disagreement and 8-year-old decided to put up a Father For Sale notice out of our apartment door.
— Melanchoholic (@Malavtweets) October 2, 2023
Methinks I am not valued enough. pic.twitter.com/Epavc6gBis
والد کی جانب سے شیئر کردہ پیغام میں لکھا گیا کہ معمولی تلخ کلامی پر 8 سالہ بچی نے ہمارے گھر کے دروازے پر والد برائے فروخت کا اشتہار لگا دیا ہے۔‘
میلانچوہولک نے مزید لکھا کہ ’میں سمجھتا ہوں میری قیمت کافی کم رکھی گئی ہے‘۔
سماجی رابطے کی ویب سائٹ ایکس پر یہ پوسٹ 2 اکتوبر کی صبح لگائی گئی تھی، جسے تقریباً 30 ہزار افراد نے دیکھا اور دلچسپ تبصرے بھی کئے۔
ایک صارف کا کہنا ہے کہ دو لاکھ روپے بہت زیادہ قیمت ہے مجھے یقین ہے کہ میری بیٹیاں مجھے 20 روپے میں فروخت کر دیں گی۔
