واشنگٹن: (ویب ڈیسک) ہوا میں بائیک چلاتے ہوئے ایک شخص کی ویڈیو سوشل میڈیا پر وائرل ہو گئی۔
سوشل میڈیا پر وائرل اس ویڈیو میں امریکی شہری کو مشہور ہالی ووڈ فرنچائز’اسٹار وارز‘ کے کردار ’مینڈالورین‘ کا روپ دھارے دیکھا جا سکتا ہے۔
حال ہی میں ہالووین کے موقع پر وائرل ویڈیو میں نظر آنے والے اس شخص نے اسی مشہور کردار کو کاپی کرتے ہوئے اپنی بائیک کو بالکل ویسی ہی عجیب و غریب شکل دی ہے۔
— Latest in space (@latestinspace) October 31, 2023
اس شخص نے اپنی موٹر سائیکل کی شکل کو کچھ اس انداز میں تبدیل کیا ہے کہ اس کے پہیے چھپ گئے ہیں اور اسے سڑک پر چلتے ہوئے دیکھ کر بالکل ایسا محسوس ہو رہا کہ وہ ہوا میں اُڑ رہی ہے۔
سوشل میڈیا صارفین کی جانب سے اس ویڈیو کو بہت پسند کیا جا رہا ہے اور دلچسپ تبصرے بھی کئے جا رہے ہیں۔
