نئی دہلی :(ویب ڈیسک )بھارت میں خاتون کے کھانے سے ایک ساتھ 8 لال بیگ نکلنے پر خاتون نے تھانے میں شکایت درج کرا دی ہے۔
بھارتی دارالحکومت نئی دلی کے ایک مقامی ریستوران کونناٹ پلیس میں خاتون کی جانب سے ڈوسا کا آرڈر دیا گیا تھا۔
بھارتی میڈیا کے مطابق خاتون ایشانی اور ان کی سہیلی نے نئی دہلی میں واقع ریستوران میں کھانے کا آرڈر دیا تھا، تاہم دونوں اُس وقت حیران رہ گئیں، جب ان کے کھانے سے لال بیگ نکلے۔
خاتون ایشانی نے اپنی سہیلی کو ویڈیو ریکارڈ کرنے کو بھی کہا، تاہم ریستوران کا سٹاف ویڈیو مکمل ہونے سے قبل ہی لال بیگوں والی پلیٹ واپس لے گیا،جس پر ایشانی نے پولیس سے رابطہ کیا اور ریستوران کے خلاف شکایت درج کرا دی ہے۔
واضح رہے خاتون نے ڈوسا میں سیاہ رنگ کی کچھ چیز دیکھی، جس نے خاتون کو اپنی جانب متوجہ کیا۔
