بیجنگ: (ویب ڈیسک) چین کے ایک ذہین طوطے نے رنگ پہچاننے میں شاندار مہارت کا مظاہرہ کرتے ہوئے گنیز ورلڈ ریکارڈ بنا ڈالا۔
چن فینگ کے پالتو طوطے ’شیاوگوی‘ نے صرف 33.5 سیکنڈز میں دس مختلف رنگوں کی پہچان کر کے سب کو حیران کر دیا، طوطے نے رنگین گیندوں کو اٹھا کر بالکل درست رنگ کے ڈبوں میں ڈال دیا اور دنیا کا سب سے تیز رفتار رنگ پہچاننے والا طوطا قرار پایا۔
دلچسپ بات یہ ہے کہ شیاوگوی سے ایک بار غلطی ہوئی، اس نے گہری گلابی گیند کو ہلکی گلابی کے ڈبے میں ڈال دیا، مگر فوراً اپنی غلطی درست کر لی اور ریکارڈ اپنے نام کرنے میں کامیاب ہوگیا۔
— Trump Girl (@TrumpGirlLove) September 1, 2025
چن فینگ کے مطابق انہوں نے شیاوگوی کو 2020 میں تب اپنایا جب وہ ابھی بچہ تھا۔
طوطے کو رنگین گیندوں سے کھیلنے کا شوق تھا، اسی دلچسپی کو دیکھتے ہوئے فینگ نے اسے مختلف رنگوں کو پہچاننے اور ترتیب دینے کی تربیت دینا شروع کی۔
شیاوگوی کی یہ کارکردگی نہ صرف اس کے مالک کیلئے باعثِ فخر ہے بلکہ دنیا بھر میں جانوروں کی ذہانت کی ایک شاندار مثال بھی ہے۔
