تہران: (روزنامہ دنیا) ایرانی پاسدارانِ انقلاب کی القدس فورس کے سربراہ میجر جنرل قاسم سلیمانی نے اپنی شہادت سے صرف چند گھنٹے قبل اپنے ہاتھ سے کچھ جملے تحریر کئے، جن میں انہوں نے لکھا کہ اے خدا مجھے اپنا دیدار کرا دے، اے خدا میں تجھ سے ملنے کیلئے بے تاب ہوں،وہی دیدار کہ جس کیلئے حضرت موسیؑ کے پاس تاب نظارہ نہ تھا۔ خداوندا! مجھے پاک و مطہر قبول کر، الحمدللہ رب العالمین۔
ایرانی میڈیا کے مطابق جنرل سلیمانی نے یہ جملے جمعرات 2 جنوری 2020 کو دمشق سے بغداد کیلئے پرواز سے صرف چند منٹ قبل اپنی قیام گاہ میں تحریر کئے تھے اور پھر کاغذ کے اسی ورق پر اپنا پین بھی رکھ دیا اور ایئر پورٹ کیلئے روانہ ہوئے۔ اور بغداد پہنچتے ہی شہادت کے عظیم مرتبے پر فائز ہوئے۔
