باکو: (ویب ڈیسک) آرمینیا کیساتھ لڑائی میں آذربائیجان نے ایرانی سرحد سے ملحق نگورنو کاراباخ کے علاقے کو آزاد کرواکر اپنا کنٹرول حاصل کر لیا ہے۔
پاکستان میں تعینات آذری سفیر علی علی زادہ نے سماجی رابطے کی ویب سائٹ ٹویٹر پر اپنے بیان میں لکھا کہ ایران سے ملحقہ اگبند کے علاقے کو آرمینی فوج کے قبضے سے چھڑانے کے بعد وہاں آذربائیجان کا جھنڈا لہرا دیا گیا ہے۔
آذری سفیر کا کہنا ہے کہ اگبند پر کنٹرول کے بعد ایران اور آذربائیجان کے درمیان سرحد مکمل طور پر محفوظ ہو گئی ہے۔
Azerbaijani flag has been hoisted in #Aghbend settlement of #Azerbaijan,liberated from #ArmenianOccupation!
— Ali Alizada (@Ali_F_Alizada) October 22, 2020
The state border between #Azerbaijan & #Iran has been completely secured through liberation of the Aghbend settlement. #LongLiveAzerbaijanArmy#KarabakhisAzerbajian! pic.twitter.com/eQ7Vx9MAI2
علی علی زادہ نے مزید بتایا کہ آذری فوج نے آرمینیا کے قبضے سے اگبند کے سرحدی علاقے سمیت مزید 20 گاؤں بھی آزاد کرالیے ہیں۔
یہ بھی پڑھیں: آذر بائیجان نے آرمینیا سے مزید 24 دیہات اور ایک شہر آزاد کروا لیا
آذری صدر الہام علیوف نے بھی اپنے بیان میں اگبند کے سرحدی علاقے کو آرمینی فوج کے قبضے سے آزاد کرنے پر خوشی کا اظہارکیا ہے۔
الہام علیوف کا کہنا ہے کہ وہ اس خوشی کے موقع پر آذربائیجان اور ایران کے عوام کو مبارکباد دینا چاہتے ہیں اور اپنی بہادر فوج کو خراج تحسین پیش کرتے ہیں۔
