واشنگٹن: (دنیا نیوز) سابق صدر ٹرمپ کے مواخذے کی کارروائی کے دوران سینیٹرز کو کیپٹل ہل پر حملے کی گرافک ویڈیوز دکھائی گئیں۔ فوٹیج میں دیکھا جا سکتا ہے مشتعل افراد سابق نائب صدر مائیک پنس اور مٹ رومنی کے کتنے قریب آ گئے تھے۔ ڈیموکریٹک سینیٹرز کا کہنا تھا کہ ٹرمپ نے ایوان کو مرنے کے لیے چھوڑ دیا۔
سابق صدر ٹرمپ کے مواخذے کی کارروائی امریکی سینیٹ میں جاری، سینٹرز کو کیپٹل ہل پر حملے کی مزید گرافک ویڈیوز دکھائی گئیں۔ فوٹیج میں دیکھا جا سکتا ہے کہ مشتعل افراد سابق نائب صدر مائیک پینس اور مٹ رومنی کے کتنے قریب آ گئے تھے۔
Truly remarkable footage of Vice President Pence and his family being escorted out of the Senate chamber. President Trump was back at the White House, continuing to trash Pence, according to multiple people. pic.twitter.com/Vr3c5EBwTR
— Kaitlan Collins (@kaitlancollins) February 10, 2021
ڈیموکریٹک سینیٹرز کا کہنا تھا کہ ٹرمپ نے ایوان کو مرنے کے لیے چھوڑ دیا تھا، حملے کے دوران سکیورٹی آفیسرز کی آڈیو بھی سنائی گئی جس میں سکیورٹی عہدیداروں سے مدد مانگتے ہوئے یہ سنا گیا کہ ہجوم کس طرح ان کے خلاف آنسو گیس جیسے ہتھیار استعمال کررہا ہے۔ ایک ویڈیو میں حملہ آور سپیکر نینسی پلوسی کو نقصان پہنچانے کیلئے ان کا نام پکارتے ہوئے تلاش کرتا دکھائی دے رہا ہے۔
WATCH: New footage shows Officer Eugene Goodman rush Sen. Mitt Romney away from the rioters https://t.co/rnCk9EvEDw pic.twitter.com/iIJIkV5VBJ
— Yahoo News (@YahooNews) February 10, 2021
ڈیموکریٹس نے کہا ہے کہ ٹرمپ کو مستقل طور پر عوامی عہدے کے لیے نااہل قرار دینے کی کوشش کریں گے تاہم سینیٹ میں سابق صدر کو سزا دینے کے لیے دو تہائی اکثریت کی ضرورت ہے اور ابھی تک 6 ریپبلکنز نے ہی ڈیموکریٹس کی حمایت کی ہے۔
Straight out of a horror film. Insurrectionist calling for Nancy Pelosi pic.twitter.com/itXdEpCOI1
— Scott MacFarlane (@MacFarlaneNews) February 10, 2021
مواخذے کی قرارداد میں کہا گیا ہے کہ صدر ٹرمپ نے امریکا اور اس کے سرکاری اداروں کی سلامتی کو خطرے سے دوچار کیا، 6 جنوری کو واشنگٹن کے کیپٹل ہل حملے میں 5 افراد ہلاک ہوئے تھے۔
