تازہ ترین
  • بریکنگ :- ٹاؤن کمیٹی سکرنڈکی 15میں سے 13وارڈزپرپیپلزپارٹی کامیاب
  • بریکنگ :- جھڈو :پیپلزپارٹی کے ایوب قائمخانی 506 ووٹ لے کر کامیاب
  • بریکنگ :- جھڈو :آزاد امیدوار عبدالجبار قائمخانی 425 ووٹ حاصل کرسکے
  • بریکنگ :- سکرنڈ:ایس یوپی اورآزاد امیدوارنے ایک ایک سیٹ حاصل کی
  • بریکنگ :- جھڈو :ٹاؤن کمیٹی وارڈ نمبر 8 کا غیر سرکاری غیرحتمی نتیجہ
  • بریکنگ :- پیپلزپارٹی کے یار محمد خاصخیلی 397 ووٹ لے کر کامیاب
  • بریکنگ :- جھڈو: آزاد امیدوار ڈاکٹر محمد ہاشم میمن 325 ووٹ حاصل کرسکے
  • بریکنگ :- جھڈو: ٹاؤن کمیٹی وارڈ نمبرون کا غیر سرکاری غیر حتمی نتیجہ
  • بریکنگ :- جھڈو :پیپلزپارٹی کے سعد آرائیں 440 ووٹ لے کر کامیاب
  • بریکنگ :- جھڈو: آزاد امیدوار محمد الیاس قائمخانی 305 ووٹ حاصل کر سکے
  • بریکنگ :- جھڈو :ٹاؤن کمیٹی کے وارڈ نمبر 5 کا غیر سرکاری غیر حتمی نتیجہ

حوثی باغیوں کا ایک مرتبہ پھر سعودی عرب کی تیل تنصیبات پر ڈرون حملہ

Published On 19 March,2021 09:49 pm

صنعاء: (دنیا نیوز) یمن کے حوثی باغیوں نے ایک با رپھر سعودی عرب کے تیل کی تنصیبات پر ڈرون حملہ کردیا۔ سعودی وزارت توانائی نے آئل ریفائنری پر ہونے والی دہشت گرد ڈرون حملے کی مذمت کی ہے۔ حوثیوں نے سعودی تنصیبات پر حملے کی ذمہ داری قبول کر لی۔

سعودی حکام کے مطابق ریاض میں قائم آئل ریفائنری پر چھ ڈرونز کی مدد سے حملہ کیا گیا جس سے آئل ریفائنری کے ایک حصے پر آگ بھڑک اٹھی۔

سعودی سرکاری خبر رساں ادارے ایس پی اے نے وزارت توانائی کے ایک اہلکار کے حوالے سے بتایا ڈرون حملہ جمعے کی صبح چھ بجکر پانچ منٹ پر کیا گیا تھا، ریفائنری میں آگ لگ گئی جس پر قابو پا لیا گیا ہے۔

ذرائع کا یہ بھی کہنا ہے کہ حملے میں کسی کے ہلاک یا زخمی ہونے کی اطلاع ہے اور نہ ہی تیل اور پٹرولیم مصنوعات کی فراہمی متاثر ہوئی ہے۔

عرب نیوز اور العربیہ نیٹ کے مطابق سعودی عرب نے اس ’بزدلانہ حملے‘ کی شدید مذمت کی اور آئل سپللائی سکیورٹی کو مخدوش کرنے والی تخریبی سرگرمیوں کی سنگینی سے متنبہ کیا ہے۔

وزارت توانانی کے عہدیدار نے کہا کہ اس طر ح کی دہشت گرد کارروائیاں جو اہم تنصیبات اور شہری اہداف کے خلاف متواتر کی جا رہی ہیں سے صرف مملکت کو نشانہ نہیں بنایا جا رہا بلکہ عالمی توانائی سپلائی کی سکیورٹی، استحکام اور بین الاقومی معیشت بھی ہدف ہے۔

اس سے قبل سات مارچ کو راس تنورہ آئل پورٹ پر پٹرولیم ٹینک فارم کو ڈرون سے نشانہ بنایا گیا اور بیلسٹک میزائل کے ٹکڑے ظہران میں آرامکو کے رہائشی علاقے کے قریب گرے تھے۔

وزارت توانائی نے عالمی برادری اور تنظیموں سے پھر مطالبہ کیا کہ وہ ان دہشت گردانہ حملوں کے خلاف اٹھ کھڑی ہوں اور تمام قوتوں کا مقابلہ کریں جو انہیں سپورٹ کر رہی ہیں۔