مکہ مکرمہ: (ویب ڈیسک) خانہ کعبہ میں آج خوب باران رحمت ہوئی، فرزندان دین نے بارش اور ژالہ باری کے دوران طواف کا سلسلہ جاری رکھا۔ اس موقع پر موجود زائرین نے یہ روح پرور مناظر کو اپنے کیمروں کی آنکھ سے فلمبند کیا۔
غیر ملکی خبر رساں ادارے اردو نیوز نے اس حوالے سے ایک خبر شیئر کی ہے۔ اس میں لکھا ہے کہ مکہ مکرمہ میں آج بارش اور ژالہ باری ہوئی، اس دوران مسجد الحرام میں عمرہ زائرین نے بارش کے دوران طواف کیا اور عصر کی نماز ادا کی۔
NOW | Heavy Rain in Masjid Al Haram, Makkah pic.twitter.com/OGk2oHSMGf
— Haramain Sharifain (@hsharifain) April 27, 2021
سعودی محکمہ موسمیات کے مطابق مکہ مکرمہ کے مختلف علاقوں میں کہیں تیز اور کہیں درمیانے درجے کی بارش ریکارڈ کی۔
مکہ مکرمہ میں باران رحمت برستی رہی۔ اس دوران مسجد الحرام میں شدید بارش اور ژالہ باری عمرہ زائرین چھتریاں لے کر طواف کرتے رہے
Now | Hail Storm in Masjid Al Haram, Makkah#Ramadan pic.twitter.com/HjHDuJcASO
— Haramain Sharifain (@hsharifain) April 27, 2021
مقدس مساجد کی انتظامیہ نے عمرہ اور نماز کے لیے آنے والوں کو بارش سے بچانے کے لیے گرین چھتریاں فراہم کی ہیں۔ ان کا انتظام وزارت اسلامی امور کی جانب سے کیا گیا تھا۔
خانہ کعبہ کی انتظامیہ نے بارش کے دوران عمرہ زائرین کے لیے انتظامات پہلے ہی کر رکھے تھے۔ طواف کرنے والوں کو گروپوں کی شکل میں زمینی منزل کے مطاف بھیجا گیا۔
بارش کے دوران عام گروپ بندی معطل کر دی گئی اور شاہ فہد کی توسیع والی عمارت میں عمرہ زائرین کو بھیج دیا گیا۔ یہاں 2000 عمرہ زائرین کی گنجائش ہے۔