تازہ ترین
  • بریکنگ :- ملتان سلطانز نےلاہورقلندرزکو80رنز سےشکست دے دی
  • بریکنگ :- ابوظہبی:170رنز کےتعاقب میں لاہورقلندرز کی ٹیم 89رنز پرڈھیر
  • بریکنگ :- ملتان سلطانزکےشعیب مقصود60 اوررلی روسونے29رنز بنائے
  • بریکنگ :- ابوظہبی:ملتان سلطانز کےسہیل تنویر26رنز بناکرناٹ آؤٹ رہے
  • بریکنگ :- ابوظہبی:جانسن چارلس10،خوشدل شاہ 6،عمران طاہر4رنزبناسکے
  • بریکنگ :- شاہین شاہ آفریدی 3،جیمزفالکنر2،حارث رؤف اورراشدخان کی ایک ایک وکٹ
  • بریکنگ :- لاہورقلندرزکےمحمدحفیظ 14،فخرزمان اورآغاسلمان 13-13رنز بناسکے
  • بریکنگ :- لاہور قلندرزکےبین ڈنک اورسہیل اختر5-5رنز بنا کرآؤٹ
  • بریکنگ :- جیمزفالکنر22،ٹم ڈیوڈ10،راشدخان اورشاہین شاہ آفریدی2-2رنزبناسکے
  • بریکنگ :- ابوظہبی:شاہ نوازدھانی4 اورعمران خان نے3کھلاڑیوں کو آؤٹ کیا

بھارت میں کورونا آؤٹ آف کنٹرول، ایک دن میں 4 لاکھ 2 ہزار سے زائد کیسز

Published On 01 May,2021 09:22 am

نئی دلی: (دنیا نیوز) بھارت میں کورونا کا پھیلاؤ بد سے بدتر ہونے لگا۔ چوبیس گھنٹے کے دوران ریکارڈ چار لاکھ دو ہزار سے زائد مریض سامنے آگئے جبکہ ایک ہی روز تین ہزار پانچ سو بائیس ہلاکتیں ہوئیں۔

 بھارت میں کورونا آؤٹ آف کنٹرول، انڈیا میں ایک دن کے دوران 4 لاکھ 2 ہزار سے زائد نئے کیس سامنے آگئے، جس کے بعد مجموعی طور پر متاثرہ افراد کی تعداد ایک کروڑ 91 لاکھ 63 ہزار 488 ہوگئی۔

گجرات کے ہسپتال میں آگ لگنے سے کورونا کے 18 مریض ہلاک ہو گئے۔ ہما چل پردیش میں کورونا کیس مثبت آنے پر ٹھیکیدار نے 20 مزدوروں کو واش روم میں بند کر دیا۔

کورونا کی تشویشناک صورتحال پر امریکی صدر جوبائیڈن نے بھارت پر سفری پابندیاں لگانے کا فیصلہ کیا ہے۔ بھارت سے امریکا آنے والی تمام پروازوں پر پابندی ہوگی، جس کا اطلاق 4 مئی سے ہوگا۔

چین نے بھارت کی ہرممکن مدد کا اعلان کیا ہے۔ بھارتی وزیر خارجہ سے ٹیلی فونک رابطے میں چینی ہم منصب نے امید ظاہر کی کہ بھارت جلد اس وبا پر قابو پانے میں کامیاب ہو جائے گا۔

ادھر آسٹریلیا میں سخت اقدامات کا فیصلہ کیا گیا ہے۔ بھارت سے وطن واپس آنے والے افراد کو 5 سال قید اور جرمانے کی سزا ہوسکتی ہے۔