تازہ ترین
  • Sports :- ٹوکیواولمپکس میں نیزہ پھینکنے کا مقابلہ
  • Sports :- قومی ایتھلیٹ ارشدندیم نےمیڈل راؤنڈ کیلئےکوالیفائی کرلیا
  • Sports :- ارشدندیم دوسری بار 85.16 میٹرتک نیزہ پھینکنےمیں کامیاب ہوئے
  • Sports :- ٹوکیواولمپکس ،جویلین تھرو کافائنل راؤنڈ 7 اگست کوہوگا

بیت المقدس فلسطینیوں کی سرزمین، نقصان پہنچانےکی اجازت نہیں دینگے:سعودی عرب

Published On 16 May,2021 04:56 pm

ریاض: (ویب ڈیسک) سعودی عرب نے اسرائیل کے مظالم سہہ رہے نہتے فلسطینیوں کے حق میں آواز بلند کرتے ہوئے کہا ہے کہ بیت المقدس فلسطینیوں کی سرزمین، کسی کو اسے نقصان پہنچانے کی اجازت نہیں دیں گے۔

یہ بات سعودی عرب کے وزیر خارجہ شہزادہ فیصل بن فرحان تعاون تنظیم (او آئی سی) کے ہنگامی اجلاس سے خطاب کرتے ہوئے کہی۔ ان کا کہنا تھا کہ اسرائیل پر فلسطینیوں کے حقوق کی کھلم کھلا خلاف ورزیاں کر رہا ہے۔ عالمی برادری اپنی ذمہ داریاں پوری کرے۔

او آئی سی کے ورچوئل اجلاس سے خطاب میں سعودی وزیر خارجہ کا کہنا تھا کہ ہم بیت المقدس میں فلسطینیوں کے مکانات پر اسرائیلیوں کے قبضے کی مذمت کرتے ہیں۔ بیت القدس فلسطینیوں کی زمین ہے، اس کو نقصان پہنچانے کی اجازت نہیں دیں گے۔

ان کا کہنا تھا کہ عالمی برادری اسرائیل کی خلاف ورزیوں کے سامنے اپنی ذمہ داریاں پوری کرے۔ عالمی برادری کو فوری طور پر مداخلت کرتے ہوئے اسرائیلی اقدامات کو روکنا ہوگا۔

یہ بھی پڑھیں: غزہ میں اسرائیلی بربریت جاری، ایک اور حملے میں مزید 26 فلسطینی شہید، 50 زخمی

دوسری جانب غزہ میں اسرائیلی بربریت جاری ہے، ایک اور حملے میں مزید 26 فلسطینی شہید اور 50 زخمی ہو گئے، جاں بحق افراد کی تعداد 181 ہو گئی ہے۔

اقوام متحدہ کے سیکرٹری جنرل انتونیو گوتریس نے غزہ میں شہریوں کی شہادت اور بین الاقوامی میڈیا کے دفاتر پر حملے پر سخت مایوسی کا اظہار کیا ہے۔ سیکرٹری جنرل کے ترجمان کا کہنا ہے کہ غزہ کے الشاتی کیمپ میں اسرائیلی فضائی حملے کے نتیجے میں بچوں سمیت ایک ہی خاندان کے دس افراد کی شہادت پر انتونیو گوتریس نے افسوس کا اظہار کیا۔

اسرائیلی فورسز نے غزہ میں الجلا ٹاور کو بھی نشانہ بنایا، اس عمارت میں عرب ٹی وی الجزیرہ سمیت کئی میڈیا ہاؤسز کے دفاتر تھے۔ احتجاج کے باوجود گہ اسرائیلی وزیراعظم کا کہنا ہے کہ بمباری اس وقت تک جاری رہے گی جب تک ضرورت ہے۔

مغربی کنارے میں بیت اللحم سمیت کئی شہروں میں فلسطینیوں نے مظاہرے کئے۔ مظاہرین پر اسرائیلی فورسز نے طاقت کا بے دریغ استعمال کیا۔ صیہونی فورسز نے نوجوانوں پر فائرنگ کر دی جس سے متعدد افراد زخمی ہو گئے۔ اسرائیلی فوجیوں نے میڈیا کے نمائندوں کوبھی دھکے دیئے۔