کیف: (دنیا نیوز) یوکرین کے صدر زیلنسکی نے پیوٹن کے ہوتے ہوئے روس سے مذاکرات نہ کرنے کا صدارتی حکمنامہ جاری کر دیا۔
غیر ملکی میڈیا کے مطابق حکمنامے میں پیوٹن کی موجودگی میں کسی بھی سطح کے مذاکرات نہ کرنے کا ذکر ہے۔
کریملن نے کہا کہ مذاکرات ہمیشہ فریقین کے درمیان ہوتے ہیں اور مذاکرات کے بغیر کوئی بھی مسئلہ حل کرنا ممکن نہیں۔
دوسری جانب روسی وزارت دفاع نے بتایا کہ اب تک 2 لاکھ ریزرو فورس کو روسی فوج میں شامل کرلیا گیا ہے جن کی تربیت جاری ہے۔
