برازیلیا : ( ویب ڈیسک ) برازیل کے صدر اناسیو لولا ڈا سلوا نے کہا ہے کہ ہم چین کے ساتھ اپنے تعلقات کو مضبوط کریں گے۔
غیر ملکی خبر رساں ادارے کے مطابق برازیلی صدر لولا ڈا سلوا برازیل کے سب سے بڑے تجارتی پارٹنر کے ساتھ اقتصادی تعلقات کو مضبوط کرنے اور عالمی سفارت کاری میں جنوبی امریکی قوم کے کردار کو دوبارہ قائم کرنے کی امید لئے دورہ چین کے لئے بیجنگ روانہ ہو گئے۔
لولا نے سوشل میڈیا پلیٹ فارم ٹوئٹر پر نائب صدر جیرالڈو الکمن کے ساتھ ایک طیارے کے سامنے ٹرمک پر ویڈیو شیئر کرتے ہوئے بتایا کہ وہ سفر پر جا رہے ہیں۔
Bom trabalho, @geraldoalckmin. Até a volta!
— Lula (@LulaOficial) April 11, 2023
@ricardostuckert pic.twitter.com/vc5Pfo85v3
برازیلی صدر نے اپنی روانگی کے موقع پر صحافیوں کو بتایا کہ میں چینی صدر شی جن پنگ کو برازیل میں دو طرفہ ملاقات کے لیے مدعو کروں گا تاکہ انہیں وہ منصوبے دکھائے جائیں جن کے لیے ہم چینی سرمایہ کاری کو راغب کرنا چاہتے ہیں۔
وہ جمعرات کو شنگھائی میں برازیل کی سابق صدر دلما روسیف کی حلف برداری کی تقریب میں شرکت کریں گے جنہیں حال ہی میں برازیل، روس، بھارت، چین اور جنوبی افریقہ پر مشتمل برکس اقتصادی بلاک کے نئے ترقیاتی بینک کی قیادت کے لیے منتخب کیا گیا اور جمعہ کو بیجنگ میں اپنے چینی ہم منصب ژی سے ملاقات کریں گے۔
دوسری جانب چینی وزارت خارجہ کے ترجمان وانگ وین بن نے کہا ہے کہ یہ حقیقت کہ صدر لولا صحتیاب ہونے کے بعد جلد ہی ایک بڑے وفد کی قیادت کرتے ہوئے چین کا دورہ کریں گے۔
انہوں نے کہا کہ چین برازیل کے ساتھ مل کر کام کرنے کے لیے تیار ہے اور اس دورے کو مختلف شعبوں میں ہمارے باہمی فائدہ مند، دوستانہ تعاون کو اپ گریڈ کرنے اور ترقی پذیر ممالک کی یکجہتی، تعاون اور عالمی چیلنجوں کے مشترکہ جواب کے لیے مزید مثبت توانائی فراہم کرنے کے لیے تیار ہے۔
