واشنگٹن: (ویب ڈیسک) امریکی وزیر خارجہ انٹونی بلینکن نے کہا ہے کہ ہم یوکرین پر حملہ کی پاداش میں برآمدی پابندیوں اور دیگر رکاوٹوں کے ذریعہ روس پر بھاری قیمت عائد کرنا جاری رکھیں گے۔
امریکی وزیر خارجہ انٹونی بلینکن نے کہا کہ ہم اپنے اتحادیوں کے ساتھ یوکرین کے ساتھ کھڑے رہیں گے تاکہ وہ اپنا دفاع جاری رکھے اور وقت آنے پر مذاکرات کی میز پر مضبوط ترین پوزیشن کے ساتھ بیٹھے۔
انہوں نے یہ بیان 24 فروری 2022 کو شروع ہونے والے یوکرین پر روسی فوجی آپریشن کے 500 دن مکمل ہونے کے موقع پر دیا، انہوں نے کہا کہ روسی حکومت ہی یوکرین میں منصفانہ اور دیرپا امن کے حصول میں واحد رکاوٹ ہے۔
یہ بھی پڑھیں: امریکا کا یوکرین کو کلسٹر گولہ بارود فراہم کرنے کا اعلان
واضح رہے امریکہ نے جمعہ کو اعلان کیا تھا کہ وہ یوکرین کو روسی افواج کے خلاف جوابی حملے میں استعمال کرنے کے لیے وسیع پیمانے پر ممنوعہ کلسٹر بم فراہم کرے گا۔
امریکی محکمہ دفاع نے کہا کہ امریکی اقدام کو اتحادیوں کی جانب سے مزاحمت کا سامنا کرنا پڑا ہے جنہوں نے کلسٹر گولہ بارود یوکرین کو فراہم کرنے کو قبول نہیں کیا۔
