غزہ: (دنیا نیوز) مقبوضہ فلسطین کے علاقے غزہ میں زمینی آپریشن کے دوران اسرائیل کی فوج کا جانی نقصان مسلسل بڑھنے لگا ہے۔
اسرائیلی افواج نے غزہ کے زمینی آپریشن میں مزید اپنے 5 فوجیوں کی ہلاکت کی تصدیق کرتے ہوئے کہا ہے کہ 17 دسمبر بروز اتوار کو غزہ میں زمینی آپریشن میں افسر سمیت 4 فوجی ہلاک ہوئے جبکہ 14 دسمبر کو زخمی ہونے والا فوجی بھی مارا گیا جس کے بعد زمینی آپریشن کے دوران مرنے والے اسرائیلی فوجیوں کی کل تعداد 129 تک پہنچ گئی ہے۔
.jpg)
یاد رہے کہ اسرائیل کی جانب سے فضائی حملوں کے بعد 27 اکتوبر سے زمینی آپریشن شروع کیا گیا جو اب تک جاری ہے، زمینی آپریشن کے دوران اسرائیلی افواج کو مجاہدین کی جانب سے شدید مزاحمت کا سامنا ہے، مالی نقصان کے ساتھ ساتھ دشمن فوج کا جانی نقصان بھی بڑھ رہا ہے۔
دوسری جانب حماس کے عسکری ونگ القسام بریگیڈز نے 17 دسمبر کو اسرائیلی فوجی گاڑی پر حملے کی ویڈیو جاری کی ہے جس میں فوجی گاڑی کو مکمل تباہ ہوتے اور اسرائیلی فوجیوں کو جھلسی ہوئی حالت میں بھاگتے ہوئے دیکھا جا سکتا ہے۔
