غزہ: (دنیا نیوز) جنگ بندی معاہدے کے تحت حماس کی جانب سے جمعرات کو 4 یرغمالیوں کی لاشیں اسرائیل کے حوالے کی جائیں گی۔
غیر ملکی میڈیا رپورٹس کے مطابق حماس کی جانب سے معاہدے پر عملدرآمد ہو رہا ہے جبکہ اسرائیل جنگ بندی معاہدے کی مسلسل خلاف ورزیاں کررہا ہے، غزہ میں موبائل گھروں اور خیموں کی ترسیل پر پابندی برقرار ہے۔
رپورٹس میں مزید بتایا گیا ہے حماس ہفتے کے روز تین یرغمالیوں کو رہا بھی کرے گی۔
ادھر امریکی وزیر خارجہ کی ریاض میں سعودی ولی عہد محمد بن سلمان سے ملاقات ہوئی جس میں غزہ جنگ بندی معاہدے اور مسئلہ فلسطین پر تبادلہ خیال کیا گیا، ملاقات میں روس یوکرین جنگ روکنے کے حوالے سے بھی گفتگو ہوئی۔
