ریاض: (ویب ڈیسک) محکمہ موسمیات نے سعودی عرب میں سردی کی شدید لہر اور درجہ حرارت نقطہ انجماد سے نیچے گرنے کی پیشگوئی کردی۔
سعودی محکمہ موسمیات کے مطابق آئندہ دو روز کے دوران سعودی عرب کے شمالی اور شمال مشرقی علاقوں میں سردی اپنے جوبن پر ہو گی جس کے اثرات وسطی علاقوں میں بھی محسوس کیے جائیں گے۔
محکمہ موسمیات کا کہنا ہے کہ صبح کے اوقات میں درجہ حرارت نقطہ انجماد سے نیچے جا سکتا ہے جبکہ وسطی علاقوں میں درجہ حرارت 4 ڈگر ی سینٹی گریڈ تک رہنے کا امکان ہے۔
موسم کا احوال بتانے والوں نے مکہ، مدینہ، تبُوک اور مشرقی صوبے سمیت ریاض اور نجران میں تیز ہواؤں اور گرد و غبار کے طوفان کی بھی پیشگوئی کی ہے۔
