سیئول: (دنیا نیوز) جنوبی کوریا کی آئینی عدالت نے صدر یون سک کو عہدے سے برطرف کر دیا۔
جنوبی کوریا کی آئینی عدالت کے قائم مقام چیف جسٹس مون ہیونگ بی نےفیصلہ سنایا۔
جنوبی کورین عدالت نے کہا کہ صدر نے فوج اور پولیس فورسز کو آئینی اداروں کے خلاف استعمال کیا، آئینی فرائض کو ترک کرتے ہوئے صدر یون سک یول نےعوام کے حقوق کی پامالی کی۔
عدالت کا کہنا ہے کہ صدر کی غیر آئینی، غیر قانونی کارروائیاں جمہوریت کیلئے خطرہ تھیں۔
میڈیا رپورٹس کے مطابق آئینی عدالت کے فیصلے کے بعد جنوبی کوریا میں 60 دن کے اندر نئے صدارتی انتخابات کرائے جائیں گے۔
یاد رہے کہ جنوبی کوریا کی پارلیمنٹ نے ملک میں مارشل لاء لگانے پر یون سک یول کے مواخذے کا مطالبہ کیا تھا۔
