شہرقائد میں کانگو وائرس سے متاثرہ دوسرا مریض بھی انتقال کرگیا

Published On 19 June,2025 04:38 pm
Advertisement
0 seconds of 0 secondsVolume 0%
Press shift question mark to access a list of keyboard shortcuts
00:00
00:00
00:00
 

کراچی: (دنیا نیوز) سندھ میں رواں سال رپورٹ ہونیوالا کانگو وائرس کا دوسرا مریض بھی انتقال کرگیا۔

محکمہ صحت حکام کے مطابق 26 سال کا متاثرہ شخص کراچی کے علاقے ابراہیم حیدری کا رہائشی تھا، متاثرہ شخص کو جناح ہسپتال سے سندھ انفیکشن ڈیزیز ہسپتال منتقل کیا گیا تھا۔

حکام نے بتایا کہ جناح ہسپتال میں آئسولیشن وارڈ نہ ہونے کی وجہ سے مریض کو اتوار کو سندھ انفیکشس ڈیزیز لایا گیا جہاں وہ جمعرات کی صبح انتقال کرگیا۔

حکام کے مطابق اس سے قبل 17 جون کو بھی کانگو سے متاثرہ مریض انتقال کرگیا تھا جو ملیر کا رہائشی تھا، رواں سال کانگو کے باعث 2 افراد کا انتقال ہوچکا ہے۔

ماہرین کے مطابق کانگو جان لیوا وائرس ہے اور اس سے بچاؤ کے امکانات صرف 10 فیصد ہیں،کانگو وائرس جانوروں سے انسان اور انسان سے انسان میں منتقل ہوتا ہے، مسوڑوں، ناک، فضلے میں خون آنا اور تیز بخار کانگو وائرس کی علامات ہیں۔ 




Recommended Articles