غزہ: (دنیا نیوز) بھوک اور افلاس کا شکار فلسطینیوں پر اسرائیل کی گولہ باری اور فائرنگ جاری، گزشتہ 24 گھنٹوں کے دوران مزید 62 فلسطینی شہید ہوگئے۔
عرب میڈیا کے مطابق شہدا میں خوراک اور امداد کے متلاشی 19 فلسطینی بھی شامل ہیں، اسرائیلی آباد کاروں نے مغربی کنارے میں 2 فلسطینی گولی مار کر شہید کردیئے۔
غزہ میں شہدا کی مجموعی تعداد 60 ہزار سے تجاوز کر گئی، 1 لاکھ 45 ہزار 870 فلسطینی زخمی ہوگئے۔
واضح رہے کہ گزشتہ روز برطانوی وزیراعظم کے ہمراہ پریس کانفرنس کرتے ہوئے ڈونلڈ ٹرمپ کا کہنا تھا کہ کیئر سٹارمر سےغزہ کے مسئلے پر بات ہوئی، ہمیں امید ہے غزہ میں خوراک ان لوگوں تک پہنچے گی جنہیں اس کی ضرورت ہے۔
یہ بھی پڑھیں: سعودیہ کا فلسطینی ریاست بننے تک اسرائیل کو تسلیم کرنے سے صاف انکار
انہوں نے کہا تھا کہ حماس سے نمٹنا مشکل ہے، میں اسرائیلی وزیراعظم نیتن یاہو سے بات کر رہا ہوں اور ہم مختلف منصوبوں پرکام کر رہے ہیں، غزہ جنگ بندی مذاکرات میں مشکلات درپیش ہیں، غزہ کےحالات کئی دہائیوں سے خراب ہیں، غذائی قلت کم کرنے کیلئے ہم فوڈ سینٹرز قائم کرنے جارہے ہیں۔
امریکی صدر کا کہنا تھا کہ غزہ میں لوگوں کورکاوٹوں کی وجہ سےکھانا نہیں مل رہا، ہم غزہ کےلوگوں کی انسانی بنیادوں پرمدد کر رہے ہیں، غزہ میں غذائی قلت سےانکارنہیں کیا جاسکتا، اسرائیل پرامداد کی فراہمی کےلیےبھاری ذمہ داری عائد ہوتی ہے، ہم دونوں جانتےہیں کہ ہمیں جنگ بندی تک پہنچنا ہوگا۔
